Casa da Lagarteira

Conxunto de varios volumes situado nun extremo do lugar de Sestelo. Edificacións auxiliares fronte á rúa, agrupadas en torno á vivenda configurando un patio interior pechado por un muro perpendicular á fachada principal e un hórreo de grandes dimensións ao leste. Vivenda de planta rectangular e dous andares, resolta en cachotaría de granito con cuberta a dúas augas de fibrocemento, cun reloxo de sol no seu tellado. Solaina na fachada principal, con varanda de pedra e escaleira exterior de acceso ao segundo andar.