Pazo da Cova

Propiedade de María Teresa Novoa Devesa, sobriña do Doutor Manuel Devesa, está situado no camiño entre o Telleiro e Porto, os terreos chegaban até Os Peiraos, incluíndo os que hoxe ocupa Nestlé. Nos anos 30, intelectuais galegos quixeron regalarllo a Ramón María del Valle Inclán, para que pasase aquí os derradeiros días da súa vida, mais o escritor declinou o ofrecemento. Posúe un escudo que contén oito liñaxes: a primeira, a Cruz de Calatrava, dos Ribadeneira ou Neira; a segunda, un castelo, que puidera ser de Castillo; a terceira, as cinco follas da figueira dos Figueroas; a cuarta, as catro barras dos Varelas; a quinta, un touro concluído; a sexta, repetición da alusión aos Figueroas; a sétima, un bolaño ou bicho jonio; e finalmente, as dúas chaves dos Quirós.