Casa da Factoría

Edificación vinculada ao Alfolín da Renda do Tabaco, construída na mesma data. Nesa casa viviu a mestra, pintora e ceramista Oria García Ramírez (Oria Moreno), discípula de Carlos Maside. Nalgunha das súas obras reflectiu elementos que caracterizaron a obra do seu mestre. Como ceramista traballou para o taller Cerámica Artística Gallega, de Escudero e Asorey, e en Cerámica Celta, onde coincidiu con Castelao, Carlos Sobrino, Xoán Acuña e Manuel Torres, entre outros.