Igrexa do Convento do Carme

A igrexa do Convento do Carme, dedicada a San Xosé, foi construída en 1752 en estilo barroco (século XVIII). Portada moi ampla de tres arcos sobre pilastras, encima do friso unha imaxe en pedra de San Xosé, entre dous escudos, obra do escultor Ferreiro. Cinco fiestras adornan o resto da fachada rematada cun frontón recto con óculo.

Aos lados, dúas espadanas altas, campanario plano con dous ocos para as campás. Interior de tres naves, no altar maior imaxes da Virxe do Carme e San Xosé esculpidas por Ferreiro.