Reloxo de sol Nº 3 de Rial da Lagoa

Fermoso exemplar de reloxo de sol construído na parte traseira duns hórreo de Rial da Lagoa.

Reloxo de granito exento e de forma circular con remate na parte superior en tres rolos con motivo floral en relevo no centro inscrito nun círculo, e con volutas baixo o rolo do centro.  Recorrendo todo o seu perímetro exterior é visible unha liña insculpida decorativa. Conserva o gnomon, o cal é unha lámina metálica, e as liñas horarias son perfectamente visibles, aínda que algo gastadas. A parte inferior do reloxo prolóngase nunha forma alongada, máis estilizada que a que vimos no reloxo Nº 2 de Rial, coa parte central rebaixada e no interior un motivo floral en relevo. Asenta sobre unha base semiesférica con moldura. Reloxo de sol vertical ortomeridiano. Orientado ao

De mediados do século XIX. Fíxoo Don Juan Jabino Loureiro, bisavó de Manuel Rodríguez Deza e antigo alcalde de Dodro, entre 1840 e 1860. En 2010, a viúva di que hai papeis que acreditan a súa antigüidade.