Pombal Nº 3 de Teaio

Atópase no lugar coñecido como Agro da Chousa, no Quinteiro de Arriba.

De planta circular e muro de cachotaría enlucido con morteiro de cemento e encalado. Na zona alta, e coincidindo coas tres aberturas para a entrada e saída das pombas, lousa de pedra perimétrica. Cuberta a unha auga (ou de ferradura) con remate de prancha de fibrocemento. Enriba do tellado ten unha sobrepena para amparar as tellas do vento do norte. Na porta, alintelada, non existe trabatel, que foi substituído por un traveseiro de madeira para impedir o acceso dos animais. Mide 13 metros de perímetro e 4 de alto.

Segundo a ficha do Inventario de Patrimonio, dataría, aproximadamente, con moitas reservas, de 1780, ou posterior (1830).