Pombal Nº 2 de Teaio

Situado entre os lugares coñecidos como Botafal (do Pombal para arriba) e Salamosa (do Pombal para abaixo).

De planta circular e muros de cachotaría, agás a porta de acceso que é de perpiaño, con folla de madeira e alintelada. Fachada encintada con morteiro de cemento, e lousas que sobresaen do muro á altura dos dous buratos cadrados existentes para a entrada e saída das pombas. Non conserva a cuberta, aínda que si parte das lousas de remate da mesma. Mide 13 metros de perímetro e 4 de altura.

Segundo a ficha do Inventario de Patrimonio, habería que situalo sobre o ano 1824, segundo as características similares con outros pombais, aínda que carece de datos fiables. A propietaria actual conta que xa o seu pai o recordaba dende sempre. Actualmente en desuso.