Pombal do Palacio de Lestrobe

Construción adxectiva pertencente ao Palacio de Lestrobe.

É de planta circular con muros de cachotaría de granito, lucidos con morteiro de cemento e encalado. As xambas e o lintel da porta de acceso son de cantaría. Na zona alta e coincidindo coas aberturas para a entrada e saída das pombas, lousa de pedra perimétrica. Cuberta cónica con remate de lousa sobre entramado de madeira e remate de cumieira con peza de pedra. No interior aínda conserva a mesa de traballo e os niñeiros das pombas están en perfecto estado.

Dataría do século XVI, como o pazo.