Muíño de vento de Chenlo

Muíño de vento de planta circular e muros de cachotaría. Os abanos deste muíño non terían sido fixos como outros da zona, senón que tería unha cuberta móbil cónica, cun armazón xiratorio de madeira, movido por unha xugada de bois, que permitiría carear as aspas tendo en conta a dirección do vento. O movemento transmitiríase a un eixo e a unha ou dúas pedras de moer.

Comenta unha veciña que parece ser que este muíño era, antigamente, de varios propietarios, todos homes solteiros e ricos. Tanto ela como a súa nai, de máis de noventa anos, recordan sempre o muíño xa abandonado.