Hórreo de Vigo

Situado no patio traseiro da casa dos propietarios, no núcleo de Vigo.

Cimentado sobre unha repisa ou pedestal de cachotaría de granito de aproximadamente 1 metro de alto, encintada con argamasa de arxila amarela e con pequenas pedras nos intersticios. Non ten soportes, asentando o tornarratos directamente na repisa. O tornarratos é unha peza corrida ao longo de todo o corpo do hórreo. Ten dous claros, con balaústres de madeira e dúas cintas, cunha porta de madeira no lateral Leste. Non ten linteis. Columnas de pedra e cornixa de madeira. Penal da fronte de pedra con porta de madeira e penal traseiro tamén de pedra con cinco fendas de ventilación horizontais. Ten sobrepenas nos dous pinches, ambos de pedra. Cubrición de uralita. En canto os remates, só conserva o pedestal cuadrangular sobre o que se erguería a cruz, na parte dianteira, e un pináculo piramidal rematado nunha peza troncopiramidal. Orientado ao NE.

No 2010, di o propietario que é moi antigo, máis de cen anos. A factura ruda que presenta corroboraría esta afirmación.