Hórreo de Vigo

Situado nun extremo dunha finca privada, a escasos metros doutro hórreo.

Cimentado sobre unha repisa de cachotaría de granito duns 1,25 metros de altura e que actúa como muro de peche da finca. Os soportes son tres cepas de pedra encintadas con cemento. O tornarratos é unha pedra transversal sobre cada cepa. Ten dous claros, con balaústres de madeira e dúas cintas, con porta de madeira no lateral oeste. Linteis e columnas de pedra e cornixa de madeira. Penal da fronte con columnas de pedra, pinche de madeira e porta do mesmo material. Penal traseiro de pedra e madeira, con dúas cintas, e pinche tamén de madeira. Sobre a columna oeste do penal traseiro pódese ver ladrillo sobre o que asenta a trabe de madeira que fai de cornixa. Cubrición de uralita. Non conserva os remates. Orientado ao N.

No 2010, a propietaria non soubo precisar a cronoloxía deste hórreo, mais coida que é antigo.