Hórreo de Traxeito

Nunha finca privada ao lado da casa nº 3 á que pertence, ao pé dunha pista asfaltada.

Cimentado nunha repisa de cachotaría de granito, duns 50 centímetros de alto. Os soportes son catro cepas de pedra molduradas na parte superior e encintadas con cemento. Os dous gabinetes situados máis ao norte  están pechados con ladrillo, cunha porta cada un de madeira no lateral leste. O último gabinete está pechado con dúas portas de madeira no lateral leste e ladrillo no lateral oeste. O tornarratos é unha peza corrida ao longo do corpo do hórreo, cunha capa de cemento na cara inferior. Ten tres claros, con balaústres de madeira e dúas cintas, cunha porta de madeira no lateral leste. Non ten linteis. Columnas e cornixa de pedra. Penal dianteiro de pedra con porta de madeira e penal traseiro tamén de pedra, sen ventilación. Sobrepenas nos dous pinches, ambos de pedra. A cubrición é de tella plana. Remates: cruz latina alta cos extremos ensanchados de sección cuadrangular, sobre escocia; e pináculo piramidal. Orientado ao NE.

No 2010, a tía do propietario di que acorda toda a vida o hórreo aí. Por factura debe ser antigo.