Hórreo de Lestrobe

Situado na finca traseira da Casa do Piñón, no Barrio de Abaixo da aldea.

Cimentado sobre repisa de cachotaría de granito duns 50 centímetros de altura, con tres grades de pedra no lado norte. Os soportes son tres cepas de pedra. O tornarratos é unha única plataforma corrida ao longo do corpo do hórreo. Ten dous claros con balaústres de madeira e dúas cintas. Columnas e cornixa de pedra. Penal dianteiro de pedra con porta de madeira. Sobrepenas nos dous pinches, ambos de pedra. Cubrición de tella do país. Os remates son unha cruz latina alta sobre base en escocia e esta á súa vez sobre base cuadrangular, no penal frontal, e pináculo piramidal estilizado no lado oposto. Orientado ao NE.

No 2010, o propietario di que ten máis de cen anos, aínda que non ten documentación