Hórreo de Lestrobe

Moi preto da chamada Eira dos Hórreos, ao NE. 

Fermoso exemplar de hórreo mixto. A cimentación é unha repisa de cachotaría de granito. Os soportes son catro cepas, molduradas na súa parte superior, usándose os gabinetes para gardar a leña. O tornarratos é unha única plataforma corrida ao longo de todo o corpo do hórreo. Ten tres claros, con balaústres de madeira e dúas cintas. Columnas de pedra e cornixa tamén de pedra moldurada. Penal frontal de pedra con porta de madeira e penal posterior tamén de pedra con 8 fendas de ventilación horizontais. Ten sobrepenas sobre os dous pinches, ambos de pedra. Cubrición con tella do país. Os remates son unha cruz con extremos florenzados, alta, sobre unha base cuadrangular que á súa vez asenta sobre unha base en forma de escocia, na parte dianteira; e fermoso pináculo piramidal rematado en bola na parte traseira. Orientado ao NE.

No 2010, os propios veciños outórganlle unha considerables antigüidade (tería máis de cen anos).