Hórreo de Lestrobe

No Barrio de Abaixo, nunha finca pechada.

Os soportes son catro cepas de pedra, asentando cada unha sobre unha pedra rectangular. Os gabinetes laterais están pechados con madeiras. O tornarratos é unha única plataforma corrida ao longo de todo o corpo do hórreo. Ten tres claros, con balaústres de madeira e dúas cintas, e con dúas portas de madeira no lado leste. Non ten linteis. Columnas e cornixa de pedra, esta última moldurada. Penal da fronte de pedra con porta de madeira e penal traseiro tamén de pedra con oito fendas de ventilación. Sobrepenas nos dous pinches, ambos de pedra. Cubrición con tella do país. Os remates son unha cruz latina alta sobre base cuadrangular na parte dianteira e pináculo estilizado sen bola no lado oposto. Orientado ao NE

No 2010, a dona non tiña dispoñible a documentación. Fai anos intentaron pedir unha subvención para arranxalo, mais denegáronlla por falta de fondos. Parece antigo, de máis de cen anos.