Hórreo de Lestrobe

Na rúa do Medio.

Hórreo mixto con cimentación de repisa de cachotaría de granito, duns 65 centímetros de alto. Os soportes son seis pés en forma de columnas de sección cuadrangular, dispostas de dúas en dúas, de pedra. Tornarratos transversal de pedra sobre cada dous pés. Ten dous claros, balaústres de madeira e dúas cintas, con porta de madeira ao leste. Linteis e columnas de pedra e cornixa de madeira. Penal frontal de pedra con porta de madeira e penal traseiro de pedra e madeira con dúas cintas. Pinches de madeira. Cubrición con tella do país, aínda que perdeu parte do teito. Non conserva os remates. Orientado ao NE.

No 2010, a dona non cre que chegue ao cen anos, aínda que por tipoloxía si que parece antigo. Dataría de principios do século XX.