Esteiro do Ulla

Este terreo húmido, situado baixo a ponte que contecta as parroquias de Oeste (Catoira) e Isorna (Rianxo), é coñecido como A Braña, A Braña do Cura ou A Braña das Ovellas.

O treito final do río Ulla baña os concellos de Catoira, Valga, Cesures, Vilagarcía de Arousa, Padrón, Dodro e Rianxo, formando unha ampla enseada con zonas de marisma e arboredo de ribeira, que pouco a pouco se vai abrindo nunha das máis extensas, ricas e diversas, desde o punto de vista ecolóxico, das rías galegas.