Cruceiro de Santa Baia de Oeste

Cruceiro do tipo de crucifixo, con tres chanzos de sustentación e unha base paralelepípeda, coas arestas superiores rebaixadas na que se finca un fuste de sección octogonal e que se cobre por un capitel de catro lados rectos con espirais nas esquinas, que forman unha especie de escaleira de dous chanzos en cada cara. Cruz octogonal, lisa, cos extremos acabados en cadrado. Cristo pegado ao madeiro, baixo INRI, cos brazos paralelos ao chan, mans abertas, nó do pano duplo, á dereita e á esquerda, e pé dereito cubrindo o esquerdo. Por detrás Virxe de pé con rosario ben visible, sobre cabeciña de anxo coas mans en oración sobre o peito e cuberta un manto. Mesa de pedra pola parte dianteira do cruceiro. Ten epígrafes na parte baixa das arestas do cubo que fai de base.