Cruceiro de Coaxe

O Cruceiro Novo de Coaxe presenta tres chanzos de sustentación e unha base ben labrada en forma de copa. O fuste comeza sendo cuadrangular, pasando despois a sección octogonal descendente, pois perde grosor a medida que se afasta do chan. Capitel de catro lados rectos, con cabeciñas na metade de cada un afastadas por espirais nas esquinas e folliñas na parte baixa. Soporta unha cruz cilíndrica con vultos, que amosa por diante a figura dun Cristo de tres cravos, baixo carteleira de INRI, coas mans pechadas, o nó do pano á súa banda dereita, sendo o pé deste mesmo lado o que agocha ao esquerdo. Amosa na base e pola parte traseira unha placa de mármore branco na que aparece gravado: “ANO 1917 (...)". O fuste e a cruz foron recolocados en 2023.