Cruceiro da Xunqueira - Catoira - San Pedro de Dimo — Imaxe: Cruceiros de Galicia

Tipoloxía: Elementos relixiosos
Lugar: Coaxe
Parroquia: San Pedro de Dimo
Concello: Catoira

Cruceiro do tipo de crucifixo. Presenta á vista soamente un chanzo. Base cúbica coas arestas superiores rebaixadas. Vara de sección octogonal que se cobre por un capitel de catro lados curvos con cabeciñas nas partes centrais e volutas nas esquinas. A cruz, cilíndrica e lisa, amosa figuras por ambas caras. Así, por diante vemos un Cristo de poucos trazos, de tres cravos, baixo carteira de INRI, mans abertas, nó á dereita e pé dereito agochando o esquerdo. Por detrás, Virxe de pé sobre cabeciña de anxo, tamén con poucos trazos, coas mans cruzadas sobre o peito e cuberta por un manto. O epígrafe aparece gravado na base, na cara dereita da mesma: “A DEVOCIÓN DE ANDRÉS CATOIRA".

A noite do 21 de outubro de 2022, a cruz apareceu tirada no chan, rota en varios anacos.

Galería de imaxes Álbum de fotos externo

Referencias

Plan Xeral de Ordenación Municipal do Concello de Catoira - Aprobación inicial de 2012

Fernández de la Cigoña, E. Cruces, cruceiros e petos do concello de Catoira, (Historia dun concello). Asociación galega para a cultura e a ecoloxía-Editorial AGCE, 2008

Cruceiros de Galicia

Protección

Plan Xeral de Ordenación Municipal do Concello de Catoira (E_027) - Aprobación inicial de 2012

Rexistro de Bens de Interese Cultural (BIC)

Inventario Xeral do Patrimonio Cultural de Galicia

Decreto 571/1963, de 14 de marzo, sobre protección de los escudos, emblemas, piedras heráldicas, rollos de justicia, cruces de término y piezas similares de interés histórico-artístico