Escola da Baiuca

Emprazada na Baiuca, ao carón do cruceiro do lugar. Edificio de planta rectangular conformado por dous volumes apegados, unha aula e unha vivenda para o mestre/a, protexidos por unha cuberta a dúas augas. Construídos en cantaría de baixa calidade, a aula presenta unha maior altura, así como un maior interese arquitectónico, fundamentalmente na súa fachada principal, onde o proxectista situou unha serie de cinco grandes fiestras isódomas orientadas ao oeste que inundan de luz a totalidade da estancia dedicada a usos educativos.