Torre de Barral

Xacemento pouco alterado debido ao seu estado de ruína. Documentáronse fragmentos cerámicos de tipo gris medieval. Trátase dunha edificación con forma trapezoidal alongada e non de todo regular. As súas dimensións son de 26,5 metros para o eixo maior e unha anchura que varía dos 2 aos 7 metros.

Aprécianse 3 muros distintos:

- O que pecha toda a edificación con perpiaños ben labrados e unha altura media de 1 metro (o único visible na actualidade).

- Un muro interior (posiblemente unha división) coa mesma altura que o anterior e o dobre de anchura.

- Exterior ao edificio e aparentemente posterior duns 60 centímetros de anchura e 70 de altura.

Contan algúns historiadores que en Barral houbo o privilexio de acuñar moeda.