Petróglifo Nº 2 do Outeiro da Hedra de Arriba

Nunha gran laxe plana orientada ao suroeste, localízase unha cazoleta alongada duns 15 centímetros de longo por 3 de fondura, desde os extremos da cal parten uns sucos duns 25 centímetros de longo, conformando unha figura atípica que parece lembrar a un ídolo ou ben podería ser o inicio dun muíño navicular inconcluso. Foi localizado por Cristina Conde Escaloni. Toda a ladeira está repleta de laxes e batolitos graníticos con grandes pías e curiosas formas xeolóxicas onde posiblemente puideran aparecer novos gravados rupestres.

Este petróglifo emprázase a escasos metros respecto do aeroxenerador XIII-2 previsto no proxecto “parque eólico segunda ampliación Xiabre”, sen que apareza recollido no seu informe de impacto ambiental.