Praia da Senra

Pequena extensión de area e rochas na beira sur do río Ulla. Dependendo do estado da marea, alta ou baixa, o areal é máis ou menos extenso. Para chegar até este espazo é preciso ir polo camiño que vai polo carón das vías do tren e que se dirixe cara a Punta do Rego. Toda esta zona sur do río conta cunha gran riqueza ecolóxica, debido á gran cantidade de especies animais e vexetais que nel se atopan.