Mar Pequeno

Trátase dunha enseada onde desemboca o rego da Amproa. Este é un espazo natural rodeado por unha ampla zona vexetal no que destacan algunhas árbores e especies vexetais de zonas húmidas. Este sitio está separado da liña de costa polas vías do tren, baixo as cales existe un conduto-canal para que as augas do Mar Pequeno desemboquen definitivamente no río Ulla. 

Ao igual que acontece no río Ulla, dependendo de se a marea está alta ou baixa, o nivel da auga varía. A única forma de chegar a este lugar é pola Veira das vías do tren (aínda en funcionamento), desde onde se ten unha vista aérea deste lugar.