Río Ulla

O Sistema Fluvial Ulla-Deza (Rede Natura 2000) está formado polo río Ulla e as áreas húmidas lindeiras: as Brañas de Laíño e as Veigas de Campaña e Cordeiro. Presenta unha grande variedade de comunidades vexetais adaptadas ao distintos graos de salinidade, como son carrizos, xuncos ou pasteiros. Tamén se atopan diferentes especies de bosque de ribeira, como ameneiros, salgueiros ou freixos. Segundo o Anexo I da Directiva 92/43/CEE, dentro do Sistema Fluvial Ulla-Deza, pódense atopar os seguintes hábitats:

- Matogueiras arborescentes de Laurus nobilis.
- Zonas subestépicas de gramíneas e anuais do Thero-Brachypodietea.
- Bosques de encostas, desprendementos ou barrancos do Tilio-Acerion.
- Bosques aluviais de Alnus glutinosa e Fraxinus excelsior (Alno-Padion, Alnion incanae, Salicion albae).

Entre as numerosas especies de fauna, merecen ser destacadas a existencia da lamprea de mar ou do mexillón de río.