Cruceiro Nº 1 de Vilar

Cruceiro do tipo de capeliña. Elemento de valor histórico-cultural singular por tratarse do único cruceiro de capela documentado no Concello de Valga. O seu baseamento ten planta rectangular. Está formado por dous chanzos. Non ten pedestal. O varal é de ampla sección e está estruturado en dous bloques. O arranque e remate é de planta cuadrangular e o desenrolo do corpo oitavado. Presenta restos epigráficos. O capitel cumpre a función de ser a base da capeliña, adoitando un feitío basto a xeito de tronco de pirámide invertida. A capela consiste nunha caixa cúbica coa fronte aberta e as paredes rectas. No seu interior atopamos a imaxe exenta da Virxe co Neno. A cruz é de feitío latino, con sección octogonal. No anverso móstrase a escena da Crucifixión. O reverso é liso.