Cruceiro da Capela da Virxe da Saúde

Baseamento de planta rectangular composto por dous chanzos, ao carón da Capela da Virxe da Saúde. O pedestal cúbico contén un oco de planta cuadrangular para un peto de ánimas, do cal unicamente se conserva o retablo integrado no fuste. O varal, estruturado en dous módulos, ten planta cuadrangular na base e desenrolo oitavado mediante o rebaixe das arestas laterais. Na base atopamos polo anverso o retablo de ánimas rectangular. Capitel sinxelo de tipo xeométrico, con feitío troncopiramidal invertido e rematado nun amplo bloque cúbico, moi achatado. A cruz é latina sen figuracións.