Pazo da Bouza

A finca na que se empraza, de grandes dimensións, posúe unha ampla zona arborada con numerosos exemplares de interese. Todas as construcións son de pedra. A principal ten carpinterías de madeira e cuberta de tella do país. Dentro do recinto hai outras edificacións como capela, alpendres, cocheiras, fonte, hórreo e pombal, que na súa totalidade forman un conxunto de grande interese.

O acceso faise por un camiño empedrado e emparrado, flanqueado por muretes de pedra. O emparrado é un elemento bioclimático que dá sombra ao camiñante, baixa a temperatura e crea un microclima.