Camiño Portugués

O Camiño Portugués a Santiago discorre polas parroquias de Setecoros (Cernadas, Casal do Eirigo, O Pino), Xanza e Valga (Chenlo, San Miguel, A Pedreira, Cimadevila, Fontenlo e Cedelo). A autoestrada AP-9 desvirtuou o seu trazado orixinal e hoxe en día discorre en paralelo á mesma, sendo atravesado atravesado por esta en Casal de Eirigo. Os fitos deste treito serían o núcleo de Casal de Eirigo, o río Valga cos muíños asociados, e o conxunto de igrexa parroquial e casa reitoral de San Miguel.