Cruceiro dos de Rego

Cruceiro e  da tipoloxía de crucifixo e peto de ánimas situado sobre o camiño principal de Ourolo.

O cruceiro nace sobre dous chanzos cadrados. A súa base cadrada e moldurada dá paso a un varal de sección octogonal que destaca por ter no seu inicio as imaxes de Adán e Eva coa Serpe. Máis arriba o capitel, con volutas e rostros de querubíns. Finalmente a cruz, de sección cilíndrica con nos, na que se poden ver as imaxes de Cristo crucificado no anverso, e a Virxe sobre peaña con rostro de querubín no reverso.

O peto de ánimas consta dunha representación de cinco ánimas sobre unha pedra con remate en arco de medio punto.