Cruceiro do Pepón

Cruceiro de granito situado á beira do camiño real, no interior dun recinto cercado por un muriño de pedra. Plataforma de dous chanzos con base cadrada de dous corpos, con toro e escocias superiores e inscricións nos catro lados do volume inferior, coa data de construción do cruceiro (1907). Fuste octogonal de sección cadrada no contacto coa base e capitel decorado con formas vexetais e rostros de querubíns. Cruz de sección circular e carácter leñoso cun Cristo no anverso e unha Virxe no reverso. En tempos estaba policromada. Este era sitio de enterramento de nenos nonnatos ou mortos sen cristianizar.