Cruceiro do Cemiterio de Santa Comba de Rianxo

Cruceiro de granito situado fronte á porta de entrada do cemiterio municipal, da tipoloxía de cruz.

Plataforma cadrada e fuste de sección circular cunha imaxe dun santo, e cun capitel de remate superior con decoración vexetal. Cruz latina sen imaxes con plataforma de apoio moldurada e sección cadrada con remates nos vértices. Ten un altarciño de granito nun lateral.

Situado preto da Praia de Tanxil, o cemiterio municipal de Rianxo é o lugar no que se atopan soterrados os restos dos pais de Castelao, irmáns e outros familiares como os avós, tíos ou os seus curmáns, os Insua. Considerados como irmáns para Castelao, estes morreron no porto de Vigo cando tentaban fuxir en barco para a zona republicana. Neste camposanto repousan tamén grandes amigos de Castelao, como son Rafael Dieste, Manuel Antonio, Roxerius e Arcos Moldes.