Cruceiro da Igrexa de San Salvador de Taragoña

Cruceiro de granito situado nun extremo detrás da Igrexa de San Salvador de Taragoña, da tipoloxía de crucifixo.

Plataforma de tres chanzos cadrados. A súa base cúbica moldurada soporta un varal de sección cadrada nos extremos e octogonal no centro. A continuación un capitel decorado con motivos vexetais e rostros de anxos nas súas catro caras. O conxunto remata nunha cruz de sección cadrada na que na que se ven as imaxes de Cristo crucificado no anverso, e a Virxe coas mans entrelazadas no reverso. Ao carón do cruceiro hai un pousadoiro a modo de altar.