Cruceiro de Rianxiño

Cruceiro de granito situado no acceso oeste de Rianxiño, ao final da rúa de San Xosé, da tipoloxía de crucifixo.

Plataforma de tres chanzos de sección cadrada. A súa base cúbica moldurada coas arestas rebaixadas dá paso a un varal de sección octogonal. O seu capitel cadrado está decorado con cariñas de anxos nos seus catro lados. O conxunto remata nunha cruz de sección cadrada acanalada con remates nos extremos dos brazos. Nela aparecen as imaxes de Cristo crucificado no anverso, e a Virxe sobre unha peaña con forma de anxo alado no reverso.