Cruceiro de Ourolo

Cruceiro de granito situado á beira dun camiño que discorre paralelo á estrada principal, da tipoloxía de crucifixo.

Plataforma composta por un chanzo cadrado. A súa base cúbica, coas arestas rematadas en chafrán, dá paso a un varal de sección cilíndrica. A continuación o capitel tipo xónico con caras de anxos. O conxunto conclúe nunha cruz de sección cadrada e os brazos con remates en flor, na que podemos ver as imaxes de Cristo crucificado baixo cartela no anverso, e a Virxe coas mans en oración no reverso.