Cruceiro da Fonte

Cruceiro de granito situado no acceso sur de Rianxiño, nas proximidades do Pazo de Rianxiño, da tipoloxía de crucifixo.

Plataforma de dous chanzos. Posúe unha base composta por un corpo con toro e escocias. A continuación ven o varal, que comeza cunha sección cadrada moldurada e continúa en sección octogonal. O seu capitel está decorado con volutas, rostros de querubíns e decoración vexetal. O conxunto remata cunha cruz, de sección circular e aspecto leñoso, na que podemos ver as imaxes de Cristo crucificado baixo cartela de INRI no anverso, e a Virxe coas mans entrelazadas e coroa metálica no reverso.