Ermida de Santa Lucía

Igrexa que data do século XVII, situada sobre a estrada principal da parroquia de Asados, no extremo do Parque de Santa Lucía. Construción de planta rectangular dunha soa nave co corpo da sancristía acaroada á fachada nordeste. O conxunto está resolto con muros de cachotaría encintados na fachada principal e recebados nos laterais. Cuberta a dúas augas de tella, sobre estrutura de madeira na parte anterior e sobre bóveda de canón na posterior. Fachada sinxela con portada alintelada sobre a que se sitúa unha pequena ventá central, e espadana de dous corpos, con arcos de medio punto. A Romaría da Santa Lucía ten lugar na ermida e entorno o 13 de decembro.