Fonte e lavadoiro dos Xufreus

Conxunto de lavadoiro e fonte situados nun extremo da praza central fronte á Escola de Buía. Fonte de cantaría de granito, composta por un volume prismático inferior onde se sitúa o cano e un volume de remate en arco de medio punto coa data de construción da fonte (1852). Pía a rentes do chan e un pequeno mesado semicircular sobre un pé de granito acaroado a un lateral. Lavadoiro de planta rectangular con muro perimetral de cachotaría de granito e pedras de lavar de recente construción nun dos lados maiores.