Fonte e lavadoiro do rego de Bacelo

Conxunto de lavadoiro e fonte situados á beira do rego dos Campelos ou rego de Bacelo, entre os dous centros do lugar da Vacariza. Fonte de cantaría de granito, composta por un volume prismático inferior onde se sitúa o cano e un volume de remate en arco de medio punto. Pía a rentes do chan e un pequeno mesado semicircular sobre un pé de granito acaroado a un lateral. Lavadoiro de planta rectangular delimitado por un muro perimetral de formigón, con cuberta a dúas augas de tella de recente construción.