Fonte e lavadoiro do Vilar

Conxunto de lavadoiro e fonte situados á beira do camiño que bordea o lugar do Vilar. A fonte está empotrada nun pequeno muro de cachotaría, formada por un volume prismático inferior onde se sitúa o cano e un volume de remate en arco de medio punto coa data de construción da fonte (1962). Pía rectangular a rentes do chan e un pequeno mesado semicircular sobre un pé de granito nun lateral. A canle até o lavadoiro sitúase baixo un paso de acceso a unha finca. Lavadoiro de planta rectangular de granito e pedras de lavar nun extremo. O conxunto atópase ao preto do Cruceiro de Vistas.