Fonte e lavadoiro de Rial

Conxunto de grande entidade situado á entrada do lugar de Somoza, fronte ao Cruceiro do Rial. Está formado por unha fonte e lavadoiro con acceso desde a rúa mediante uns escaleiras de granito e un segundo lavadoiro de maiores dimensións e planta circular, situado a un nivel inferior. Lavadoiro de planta rectangular acaroado ao muro de contención da estrada con catro pedras de lavar no lateral libre. Fonte de dous canos formada por un volume prismático de granito nun extremo do lavadoiro. Segundo lavadoiro de planta circular, delimitado por un murete de cachotes de granito e abastecido desde unha canle central situada sobre o muro que o separa da fonte e lavadoiro do nivel superior.