Fonte e lavadoiro da Igrexa de San Salvador de Taragoña

Fonte e lavadoiro situado xunto ao acceso da Igrexa de San Salvador de Taragoña, na contorna da finca da casa reitoral, á que tamén se lle coñece co nome de Fonte do Cura. Está situada a un nivel inferior, ao que se accede mediante unha escaleira. Planta en L, con lousas de granito inclinadas en tres dos seus lados. Cuberta a unha auga de fibrocemento sobre estrutura de formigón, apoiada sobre un muro de cachotaría que delimita o recinto.