Confraría de Pescadores

Edificación do casco histórico, illada, situada no Paseo da Ribeira e que alberga a Confraría de Pescadores “Virxe do Carme” de Rianxo.

Planta rectangular e construción orixinal en planta baixa construída en 1927, á que se lle engadiu outra planta posteriormente. Planta baixa resolta con muros de cachotaría de pedra e remates en cantaría nos recercados, esquinas e na cornixa do volume orixinal. Fachada principal con acceso central, composta por ocos rectangulares de arco rebaixado. Volume superior realizado con estrutura de formigón e cerramento de ladrillo, enfuscado e pintado. Cuberta a catro augas de tella e peto perimetral con remates nos extremos, e en arco sobre a fachada lateral, con inscrición. Fachada principal e lateral, con ocos rectangulares de menores dimensións dispostos de dous en dous, baixo tornachuvias moldurados. Acceso ao segundo andar na fachada lateral, mediante unha escaleira exterior de formigón.