Casa do Laxido

Conxunto de vivenda e anexos situados no extremo norte do lugar do Laxido, sobre o cruce do camiños. Muro de cachotaría de peche da finca con dous accesos: un ao sur a través dun volume cuberto con portada alintelada coroada por unha estatua da virxe e outro ao leste, fronte ao Cruceiro de Lustres. Edificación principal de planta rectangular e dous andares con cuberta a dúas augas de tella e muros de cachotaría de granito con remates en cantaría. Fachada principal ao sur con accesos en planta baixa e no segundo andar mediante unha escaleira de pedra de dous tramos que desemboca nun espazo cuberto, con varanda e pilastras de granito.