Petróglifo Nº 9 do Monte Pelotiña

Os petróglifos do Monte Pelotiña están formados por oito conxuntos situados moi preto da Autovía do Barbanza. Os motivos son principalmente, círculos, zigzag e cazoletas, sen que haxa evidencias de figuracións humanas ou animais.

Este petróglifo localízase sobre unha laxe de granito a rentes do chan con orientación N-S. Presenta dominio visual preferente sobre a desembocadura do Ulla e a rasa litoral. Mide 3,45 metros no eixo N-S e 6,15 no L-O. Presenta no sector oeste un conxunto de 4 coviñas de 6 e 10 centímetros de diámetro.