Mámoa Nº 2 do Monte Picoto

Conxunto de dez túmulos sitos en Burés, que constitúen a Necrópole do Monte Picoto. Están na divisoria entre os concellos de Dodro e Rianxo, e a uns centos de metros ao oeste das catro mámoas da Necrópole da Paradegua, sitas en Bexo (Dodro).

Este túmulo mide 40 metros no eixo SL e 15,20 metros no L-O. Ten unha altura de 1 metro. Presenta un burato de violación central de grandes dimensións: 7,50 metros (N-S) e 5,70 metros (L-O), así como unha profundidade de 0,70 metros. Consérvanse varias laxes que poderían pertencer á cámara, mais están desprazadas do seu lugar orixinal.