Petróglifo Nº 4 de Abuín

Conxunto formado por dúas laxes con gravados que se atopan na parte baixa dun outeiro formado por un gran afloramento rochoso.

- Laxe 1: atópase moi erosionada e mide 1,15 metros no eixo N-S e 0,85 metros no L-O. Apréciase un motivo consistente nun círculo de 30 centímetros de diámetro e dúas liñas cruzadas no seu interior.

- Laxe 2: conserva dous motivos denominados “taboleiros de xogo” e que son atribuídos a épocas históricas. Mide a laxe 1,90 metros no eixo N-S e 0,80 metros no L-O. Na parte esquerda da rocha aparece un rectángulo irregular de 35 centímetros de lonxitude que ten non seu interior varias liñas rectas. Á súa dereita apréciase outro motivo consistente nunha elipse da cal parten sete liñas radiais.