Petróglifo Nº 4 do Monte Pelotiña

Os petróglifos do Monte Pelotiña están formados por oito conxuntos situados moi preto da Autovía do Barbanza.  Os motivos son principalmente, círculos, zigzag e cazoletas, sen que haxa evidencias de figuracións humanas ou animais.

Esta laxe mide 9,15 metros no eixo N-S e 5,10 metros no L-O. A súa parte noroeste está parcialmente soterrada pola vexetación. Tres diáclases divídena lonxitudinalmente, e as tres coviñas, de 5 centímetros de diámetro, atópanse na parte central.