Petróglifo Nº 1 do Monte Picoto

Os petróglifos do Monte Picoto fórmano catro laxes con gravados, que están situadas no treito medio da ladeira sur do Monte Picoto.

Esta laxe, que está orientada ao sur, mide 3,40 metros no eixo NL-SO e 5 metros no NO-SL. Presenta unha composición consistente en dous motivos na parte O, inscríbese un dobre circulo concéntrico de 25 centímetros de diámetro, con coviña central da que parten catro liñas radiais. Á súa dereita atópase outro deseño consistente en catro círculos concéntricos de 30 centímetros de diámetro.